"Қашықтықтан оқыту" факультеті

Абуова Баян Усербаевна

«Қашықтықтан оқыту» факультет деканы

Жұмыс телефоны: 8(72534)6-27-69

Ұялы телефон: +7 778 188 15 97

E-mail: bayan.abuova@inbox.ru


💾 Қашықтықтан білім беру технологиялары бойынша оқу үдерісін ұйымдастыру

Декан туралы

Абуова Баян Усербаевна 1972 жылдың 03 қазанда Оңтүстік Қазақстан облысы, Жетісай ауданы, «Жетісай» совхозы, Ворошилов ауылы, №1 бөлімшесінде дүниеге келген. 1989 жылы «40 жылдық» атындағы орта мектепті, 1991 жылы Шымкент қаласындағы М.Әуезов атындағы педагогикалық институтына түсіп,1995 жылы Қ.А.Ясауи атындағы қазақ-түрік университетін Шымкент бөлімшесін «Тарих» пәнінің мұғалімі дәрежесін алды. 
1995-2009 жылдар аралығында Ғ.Мұратбаев атындағы орта мектепте тарих пәнінің мұғалімі, 2009 жылдан «Сырдария» университетте «Сырттай оқу» бөлімінде әдіскер қызметін атқарды. 2021 жылға дейін Студенттерге қызмет көрсету орталығының басшысы қызметін атқарды. Қазіргі кезде "Қашықтықтан оқыту" факультетінің деканы.
 

Факультет туралы

"Қашықтықтан оқыту" факультеті барлық білім беру бағдарламалары бойынша мамандарды дайындайды.

"Сырдария" университетінің сырттай оқу факультеті 1998 жылы ашылып, бүгінгі таңда факультетте 21 мамандық бойынша бакалавр дайындайды. Осы факультетте университеттің барлық кафедраларының ең тәжірибелі профессор-оқытушылары дәріс береді. Факультет 2012-2013 оқу жылынан бастап сырттай және қашықтықтан оқыту факультеті болып өзгертілді. Факультеттің құрамына 2019-2020 оқу жылына «Құқық және экономика» кафедрасы енді. Кафедрада 5 білім беру бағдарламалар.  

Факультет өзінің оқу процесінде жүйелі түрде озық әдістемелік инновациялық технологиялардан кең пайдаланады. Оқу дәрісханалары заманауи талаптарға сәйкес жабдықталған. Студенттерге дәрістер өту үшін Республикамызға танымал белгілі ғалымдар, білікті мамандар шақырылып тұрады. 1998 жылғы сырттай факультеті ашылғаннан бері факультеттің деканы қызметтерін М.Ырсымбетов, м.ғ.к., К.Баймаханов, п.ғ.к., Л.Мырзабеков басшылық етті. 2006 жылдан бері факультетті білікті маман, тәжірибелі ұстаз, доцент Елшібаев Сәрсенбек басқарады.

Бөлім басшысын орынбасары Жантөреев Жұмахан, көп жылдан бергі тәжірибелі ұстаз, Қазақстан Республикасы білім беру ісінің құрметті қызметкері.

Сонымен бірге бөлімде төрт әдіскер және бір оператор жұмыс істейді. Сырттай және қашықтан оқыту факультетінің негізгі мақсаты өндірістен қол үздірмей оқытып, өз мамандығын жете меңгерген бәсекеге қабілетті жоғары білімді білікті мамандар дайындау. Білім беру саласындағы жаңа интеграциялық процестер, соның ішінде, кредиттік оқу жүйесі сырттай оқу факультеті студенттерінің дербес жұмысын сапалы және тиімді ұйымдастыруын, студенттің өз бетінше білім алу мүмкіндігін арттыруды көздейді.

Жалпы, бөлімінің материалдық-техникалық базасы жоғары дәрежеде, оқу аудиториялары кең, әрі жарық, заман талабына сай салынған. Үш қабатты ғимараттың бірінші және екінші қабатына сырттай оқу факультеті орналасқан. Осы екі қабатта 9 оқу аудиториясы, 1 лекция залы, 1 компьютерлік орталық және жаңа технологияны пайдалана отырып қашықтықтан білім беру орталығы жұмыс істейді. Студенттердің жан – жақты оқып білім алуына толық жағдай жасалған.
Сондай – ақ осы ғимаратта 320 студентке арналған жатақхана, кітапхана, дүкен, студенттер денсаулығын қалпына келтіру орталығы және "НҰР-ДӘУЛЕТ" жазғы спорт алаңы бар.
Жатақханада жасалған жағдайлар студенттерге оқу процесі барысында техникалық жабдықтармен, компьютер орталығымен, оқу - әдістемелік құралдармен, түрлі оқулықтармен толық қамтамасыз етілген.

Студенттердің сабақтан тыс кезінде, спортпен өнермен айналысуына жан – жақты жағдай жасалған. Факультетте негізінен үш бағыт бойынша мамандық беріледі. Бірінші орта білім негізінде 5 жылдық, орта арнаулы оқу орнын бітіргендер үшін 3 жылдық және екінші жоғары білім алушылар үшін 2 жылдық оқу бағдарламасы бойынша білім беріледі.

         

 

Бейнеролик. Материалды-техникалық базасы
"Қашықтықтан оқыту" факультет туралы: https://youtu.be/3QpOChJ9XTc


СЫРТТАЙ ОҚЫП БІЛІМ АЛҒАН ТҮЛЕКТЕР ТУРАЛЫ МӘЛІМЕТ

Республикамыздың Оңтүстік өңірінде жоғары білімді, білікті мамандар дайындауда абыройлы еңбек етіп келе жатқан университетіміздің сыртқы оқу орындарымен тығыз байланыс орната отырып, өзінің өсу жолында мол тәжірибе жинақтаған.
Қазіргі таңда "Сырдария" университетінің "Сырттай оқу" факультетін бітірген түлектеріміз Республикамыздың түкпір-түкпірінде түрлі салада мамандығы бойынша абыройлы қызмет атқаруда. Мәселен, құқықтану мамандығын бітірген Бекенов Нурлан Астана қаласы прокурорының аға көмекшісі болып қызмет етсе, осы мамандықты бітірген Әбжанов Әділхан Мақтаарал ауданы әкімінің орынбасары, полиция подполковнигі Жайлыбаев Сәкен Мақтаарал ауданы ІІБ бастығының орынбасары.
 Полиция майоры Сапаров Бауыржан Алматы облысы Сарыөзек әскери горнизонының әскери полиция бастығы, полиция майоры Бекенов Ералы Мақтаарал ауданы ІІБ штаб бастығы, әділет старшинасы Зұлқарова Гүлнара Маңғыстау облысында қылмыстық атқару жүйесінің Гм-172/8 түзету мекемесінде бақылаушы. Серманизов Болат Шардара ауданы Қызылқұм ауыл әкімшілігінің әкімі, Алтенов Сәкен Жетісай қаласындағы Халық банкінде Бас маман, Төлбасиев Садуақас Оңтүстік Қазақстан облыстық қаржы полициясында қызмет атқарады.
Экономика, бухгалтерлік есеп және қаржы мамандықтарын бітірген түлектер де Қазақстанның түкпір-түкпірінде соның ішінде өзіміздің Мақтаарал ауданындағы барлық мекемелерде дерлік қызметтерін абыроймен атқаруда. Мәселен, Қарамырзаева Райхан Жетісай қаласында зейнетақы төлеу орталығының бас маманы, Сейдуалива Сәуле НұрОтан ХДП Шардара аудандық филиалында есепке тіркеу статиска бөлімінде бас есепші, Шәмшиева Мейрамкүл АТФ банкте несиелік әкімшілік бөлімінде бас маман, Экономика мамандығын бітірген Тәжібаев Мұратбек Мақтаарал ауданы “Мақталы” ауыл әкімшілгінің әкімі. Батырханов Талғат Мақтаарал аудандық әкімдігі коммуналдық мемлекеттік мекемесінің Білім бөлімінде бас бухгалтер, Шаймерденова Аманкүл Алматы қалалық әкімшілігінде бас маман болып қызмет атқарады.

Ал, мұғалімдік мамандықтарды бітірген түлектер Қазақстанның барлық облыстарында дерлік ұстаздық етуде. Өзіміздің Мақтаарал ауданындағы барлық мектептерде және мектепке дейінгі мекемелерде көптеп жұмыс атқаруда. Солардың ішінде мектеп директоры, оның орынбасары және балабақша меңгерушісі болып қызмет атқаратындарды ондап санауға болады.
Мәселен, оларды атап өтетін болсақ, тарих мамандығын бітірген Елшібаев Болат көп жылдан бері Қ.Абдалиев атындағы жалпы орта мектебінің директоры, қазақ тілі және әдебиеті мамандығын бітірген ұлты тәжік Туйматова Норхал М.Тұрсынзаде атындағы тәжік-қазақ жалпы орта мектебінің директоры, Бекзатов Баянқұл Ә.Жангелдин жалпы орта мектеп директоры қызметтерін абыроймен атқарып келеді.

Сондай–ақ Құдайбердиев Бахтияр С.Айни атындағы жалпы орта мектепте директордың тәрбие ісі жөніндегі орынбасары, Агибаева Құралай Жетісай қаласындағы №119 жалпы орта мектепте директордың оқу-ісі жөніндегі орынбасары, орыс тілі мен әдебиетін бітірген Тоқсанбаева Болсынай мен Жансейітов Бауыржан Жетісай гуманитарлық педагогикалық колледжінде оқытушы қызметтерін атқаруда.

Педагогика–психология мамандығын бітірген Өрісбаев Еркінбек қазіргі таңда “Ақ көгершін” балабақшасының меңгерушісі. Дене тәрбиесі және спорт мамандығын бітірген Артықбаева Қаракөз Ақтау қаласы балалар және жасөспірімдер спорт мектебі директорының бірінші орынбасары т.б.

Жоғарыда аталған оқытушылардың барлығы да бірінші және жоғарғы котегориялы ұстаздар. Олар сондай-ақ өздері оқыған “Сырдария” университетімен тығыз байланыста, яғни университетте өтіліп тұратын түрлі іс-шараларға үнемі қатысып отырады. Және де өздері басқарып отырған мектеп, балабақшаларға біздің студенттерді, ұстаздар қауымын жиі шақырып тәжірибе алмасып тұрады.

Жаңа пікірді жазу

Бұл өрістің мазмұны құпия ретінде сақталған және жарияланып көрсетілмейді.

Ограниченный HTML

  • Рұқсат етілген HTML тегтер: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Жол және абзац үзілімдері автоматты түрде қойылады.
  • Web page addresses and email addresses turn into links automatically.