SU Debate

SU Students’ Union ұйымдастыруымен кезекті студенттік пікірсайыс өтті. Пікірсайысқа 6 команда қатысты. Білім алушылар “Бұл үй, теледидар компьютерден маңызды деп санайды” тақырыбында пікір таластырды. 
Дебат 3 кезеңде өтті. Бірінші кезеңде командалар жеке көзқарастарын таныстырды. Екінші кезеңде қатысушылар қарсы тарапқа сұрақ қойып пікір таластырды. Үшінші кезеңде екі тарапта сындарға жауап беріп, өз аргументтерін нығайтты және ойын қорытындысы ретінде сараптама жасады. 
Ойын барысында, 2 команда іріктеліп, төреші жеребе арқылы ойын реттілігін анықтады. Алғашқы болып сөз бастаған команда қарарға сәйкес кейс құрып, өз позицияларын анықтады, теледидардың маңыздылығын, компьютердегі бағдарламалардан келетін зиянды жақтарын тізіп берді. Келесі сөз қарсы тарапқа берілді, аргументтерді қатаң сынға алып, бірқатар зиянды жақтарына факт келтіріп, пікір таластырды. Технологиялық прогресстің компьютер арқылы жасалатындығын айтып, кейстерін сәтті құрды. Соңғы минуттарда екі тарап сараптама жасап, пікірсайысты қорытындылады. 
Пікірсайыс соңында көрермендердің дауыс беруі нәтижесінде екінші команда тарапы жеңіске жетті.