«Жалын» дебат клубының ұйымдастыруымен дебат турнирі

21 қараша күні «Сырдария» университетінде жастардың саяси белсенділігін арттыру мақсатында «Жалын» дебат клубының ұйымдастыруымен «Жастарға ұлттық идея қажет пе?», «Өркениетті елдің жастары қандай болу керек?» атты тақырыптарда дебат турнирі болып өтті. Турнир барысында «Тәуелсіз» фракциясы, «Әділет» фракциясы және «Талапкер» фракциясы қатысып, өз ойларын бідірді.

Елбасымыздың жүргізіп отырған салиқалы саясатын қолдай отырып, ондағы жетістіктер үшін қуанатын «Тәуелсіз» фракциясы жан-жақты дайындығымен көзге түсті. Ал қоғамдағы болып жатқан жағдайлар жайлы баса айтқан «Әділет» фракциясы дайындап келген видеороликтерін көрерменге көрсетіп, қазіргі таңдағы жастарымыздың жай- күйі жайлы толық айтып өтті.

Сонымен қатар сараптама бөлімі бойынша сарапшылар облыстық «Жас Отан» Жастар қанатының бюро мүшесі Азамат Рахимов, «Биология» кафедрасының аға оқытушысы Нұрмағамбетов Нұрлыбек, «Дене шынықтыру және спорт» кафедрасының оқытушысы Рыскелдиев Марат, «Музыкалық білім» кафедрасының оқытушысы Мақпал Құттыбаева, Жастар комитетінің төрағасы Нұржігіт Аманов қатысып, фракцияларға төрешілік жасады. Нәтижесінде «Әділет» фракциясы жеңіске жетті.
Галерея

Басқа жаңалықтар